tg-me.com/mesopotamianyouth/96
Last Update:
الكاريزما
كلمة هواي نسمعها بس اكثرنا مايفهمها ، الكاريزما هي الشخصية المميزه اللي يمتلكها الاشخاص الكارزميين ، هي كل شي اله علاقة بالجاذبية الشخصية ، الثقة بالنفس ، والقوة على الاقناع والتأثير على الاخرين ، فاصحاب الشخصية الكاريزماتية مانكدر ننساهم بسهولة ، همه اشخاص مانكدر نقاوم شخصيتهم الجذابة والقوية ، نريد نجلس وياهم ونكسب محبتهم ، يحالفهم الحظ مثلا يُختار واحد منهم للقبول بالعمل في الشركه او للذهاب لمنحه دراسيه ويُرفض الاخرون اللي مايمتلكون مثل هاي الشخصيه والجاذبيه ، لهاي الاسباب لازم انو تكتسب الكاريزما
شلون اكتسب الكاريزما ؟
بعض الجوانب من شخصيتك لازم تشتغل عليها وتطورها علمود تحصل على كاريزما واهمها :
1-بناء شخصيه قويه ، المبادئ الاساسية للشخصية القويه همه الثقه بالنفس وتقدير الذات ، لاتسمح ابد احد يقلل من ذاتك ونفسك ، ميصير للشخص انو يكون قوي الشخصية بدون ثقة بالنفس وتقدير للذات . وعمود تكون صاحب شخصية قويه :
- اتخذ قراراتك بنفسك
- خلي هدف واضح بحياتك
- كن واثق من نفسك وقدراتك
- تحمل مسؤولياتك
- لاتفقد هدوئك
- تمسك بقيمك واخلاقك
* (كون انت وليس شخص ثاني ، ابني شخصيتك انت فهي اساس نجاحك )
2-تعلم مهارات القيادة ، اتخذ القرار عوضا عن اصدقائك ، صير انت الشخص اللي يحرر المجموعة من الحيرة ، كون الشخص اللي يحدد المواعيد ويقود المجموعه دون ان يفرض عليهم الشغله ، وحتشوف بانو الكل يتبعك .
3-تعلم شوكت وشلون تكول "لا" ، تجنب قول لا دائما وبكل مرة ، لتخلي قول كلمة لا سهل وان ترفض اي شيء واي رأي لان الجميع حيكرهونك ، قول لا من يكون هذا بمصلحتك ، تخيل عندك امتحان باجر وخابرك صديقك يدعوك تروحون للسينما ، رح ترفض وتكول لا اعذرني ما اكدر مشغول وعندي امتحان ؟ لو رح توافق خوفا من ردة فعلة وتتجنب قول لا وتهمل الامتحان ؟ هسه اضن فهمت الي اقصده بكلمه لا بمصلحتك .
4-حافظ على هدوئك ، الكاريزما تتطلب منك برود اعصاب وقدره عاليه بالتحكم بمشاعرك والحفاظ على هدوئك ، من النادر كلش انو نشوف الاشخاص الكارزماتيين بحالة غضب مبالغ فيه ، قد يحدث بس ميفقد السيطره على نفسه وتصرفاته
_دانيه وسيم
BY Mesopotamian Youth
![](https://photo.tg-me.com/u/cdn4.cdn-telegram.org/file/bc2UtPW-unjQpNRjRtmu7Ot3GINcd5-ajKY7MgKb20WyCD_LyDLVDfseneb6PHZk9eXqB-pkpgwbL1aymjM5MUUBFGDwnrwJTAeoA9Loj99FrWYO2O0h_5tIFTht4B5X6Y_32BeXft_15f8lKpFUSBmAvMnNJujlX-HpDEfRp66N_8W8TS7N9WXlTvrKU3ZMWE7TTI6Wdao2ZfuVpKZpFJMlYkwTWi6u4rLXoXNFBP90p7MKJSkTL86qR-z62VjF-filA2uLieI-NNc72bcRv7-9lt029OR_82jv4spSPhTfQgC_T325jMRA8IR71sr4B4gZjwCOZ_VFVZG39YVDHw.jpg)
Share with your friend now:
tg-me.com/mesopotamianyouth/96